Одделението за економски криминал до Јавното обвинителство поднесе кривична пријава и ја предаде за натамошна постапка поради постоење основано сомнение дека украла пет милиони денари

Четириесетгодишната скопјана е осомничен дека во периодот од октомври 2008 г. до август 2010 г. сторила две кривични дела „Измама“Надлежниот истражен судија, по сослушувањето, на осомничената и изрече мерка притвор во времетраење од 15 дена.Со кривичната пријава, таа се товари дека со лажно прикажување на факти ги довела во заблуда две лица од Скопје, со што ги оштетила за вкупен износ од 5.055.650,00  денари, со намера за себе да прибави противправна имотна корист,Имено, жената која е оштетена во овој случај во 2009 г. заборавила навреме да ја пријави нејзината обврска за плаќање на персонален данок и данок на доход во УЈП, по што случајно, во неврзан разговор со сопругот на осомничената, дознала дека таа работи во Одделението за даноци во Собранието на Град Скопје и дека таа ќе може да и помогне.  На 19-ти март 2009 г., измамената и осомничената се сретнале во Клиниката за кардиологија каде што оштетената работела и измамничката побарала осум илајди денари за да ги уплати на сметката која наводно веќе ја отворила на нејзино име во УЈП. Наредниот ден таа повторно дошла на работа кај оштетената и и побарала уште 17 илјади денари кои таа веднаш и ги дала на рака. По неколку дена незаситната изманичка повторно дошла кај оштетената и и побарала уште 35 илјади денари. Во вкупно двесте иседум наврати измамничката на својата прва жртва успеала да и зееме вкупно 960.650 денари.Осомничената своерачно и потпишала изјава дека истите ги примила по што „изјавата“ ја завериле кај скопски адвокат. Бидејќи изманичката не го исполнила ветувањето, поточно не и вратила ништо од парите, оштетената сфатила дека е измамена и случајот го пријавила во полиција.Истата измамничка е пријавена и од уште еднао лице кого го измамила за  95 илјади денари. Имено оштетениот пред околу две години купил стан во Скопје и во октомври отишол во Собранието на Град Скопје со цел да ги среди формалностите околу плаќањето на данокот и пренесување на сопственоста на станот на негово име. Тој од службениците на шалтерот побарал побрзо да му се заврши работата, по што истите го упатиле кај сега уапсената која во тој период работела под договор на дело во Секторот за финансии во Одделението за даноци при Собрание на Град Скопје. Измамениот веднаш отишол кај неа а таа лажно се преставила дека е шефица на одделението и рекла дека постапката ќе ја заврши во најкраток можен рок.  Од извршените проверки во евиденциите на СВР Скопје е констатирано дека оваа скопјана и предходно е пријавувана за истото кривично дело и поднесени се пет кривични пријави и тоа: три кривични пријави во 2008 година и две кривични пријави во 2009 г. За дел од овие пријави, осомничената веќе била осудена на казна затвор.