Црна хроника
Кривични пријави против лицата кои ја нападнаа шумската полиција кај Петрино

Охридската полиција поднесе кривична пријава против четири лица, сите од охридското село Велгошти за напад врз шумската полиција кај Петрино
Кривичната пријава се однесува и за уште едно, засега непознато лице за чие пронаоѓање се преземаат мерки за утврдување на неговиот идентитет. Инцидентот се случи во саботата, на местото Петрино, кога припадниците на Шумската Полиција преземале мерки за пронаоѓање на лица кои незаконито сечеле и вршеле транспорт на огревно дрво. Со цел расчистување на случајот, СВР Охрид има повикано на разговор повеќе лица, а кај првопријавениот е извршен претрес со обезбедена Судска наредба. Притоа пронајден е и одземен гасниот пиштол. Од страна на службата продолжуваат мерките за целосно расветлување на овој настан, информираат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.