Црна хроника
Идентификувани тројцата загинати во тешката сообраќајка кај Лозово
Идентификувани се лицата коишто вчера попладне го изгубија животот во тешката сообраќајна несреќа, што се случи на магистралниот пат Велес – Штип, кај село Лозово, информираат од МВР
Се работи за деветнаесетгодишниот Александар Тодоров, дваесет и тригодишниот Јонче Иванов, двајцата од селото Лозово и дваесет иосумгодишниот Александар Георгиев од Велес.Сите тројца се наоѓале во автомобилот „форд ескорт“. Возачот на автомобилот и десетгодишното момче кои се наоѓале во истиот автомобил се здобиле со тешки телесни повреди и се наоѓаат во скопскиот Ургентен центар. Тројцата патници од товарното возило „фолксваген“ се на лекување во велешката болница. Сообраќајката се случи во средата доцна попладне во близина на селото Лозово. Товарното возило во моментот кога престигнувало друго товарно возило со влекач удрил во „форд ескорт“. На лице место загинаа двајца, а уште едно лице загина на пат кон болница. Уште една сообраќајка се случи утрово во скопската населба Аеродром. „Голф“-от удрил во единаесетгодишно момче кое ја преминувало улицата на пат кон училиште. Тешко повреденото дете се наоѓа во Градска болница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен жител на Таринци, кој искршил инвентар во болницата во Штип по смртта на татко му
Вчера, по полноќ, полициски службеници од Штип го приведоа 29-годишниот Ј.А. од селото Таринци, општина Карбинци, во Клиничката болница во Штип.
Претходно, во болницата бил донесен неговиот татко В.А. (54), кој, и покрај укажаната лекарска помош, починал. Кога Ј.А. пристигнал во установата и бил информиран од медицинскиот персонал дека татко му починал, тој се однесувал агресивно кон персоналот и искршил стакла и делови од болничкиот инвентар, соопшти МВР.
За настанот бил известен јавен обвинител, по чии насоки телото на починатиот е предадено на обдукција.
По целосно документирање на случајот, против Ј.А. ќе биде поднесен соодветен поднесок.
Црна хроника
Насилство во две основни училишта во Скопје – полицијата работи на расчистување на случаите
Полицијата евидентираше два одделни инцидента со малолетници во основни училишта на подрачјето на градот.
На 26 ноември 2025 година, во 11:15 часот, во хол на основно училиште во општина Ѓорче Петров бил нарушен јавниот ред и мир при физичка пресметка меѓу двајца малолетници од Скопје. Полицијата презема мерки за расчистување на случајот.
Следниот ден, на 27 ноември 2025 година, во 15:00 часот, во СВР Скопје пријавил О.М. (44) од Скопје дека на 24 ноември, околу 09:00 часот, во училница на основно училиште во Драчево, неговиот малолетен син бил физички нападнат од двајца малолетници. И за овој настан се преземаат мерки за понатамошно расчистување.
Топ
Mаж најден починат утрово на тротоар на „Илинденска“
Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К. (66), кој претходно бил пријавен дека не се вратил во својот дом.
Лекар од Итната медицинска помош констатирал смрт без видливи траги на насилство.
На местото бил извршен увид, а по наредба на јавен обвинител телото е предадено на обдукција.

