Црна хроника
Кривични пријави за ископ на кварц без концесиоја
Велешката полиција поднесе кривични пријави против двајцата велешани вработени во фирмата „Пела Констракшн Инкорпорејтед“, затоа што без концесија вршеле ископ на минерални суровини
Четириесет иседум годишниот велешанец Т. Д. и педесет идве годишниот М.Ѓ. заработија кривични пријави оти без концесија или дозвола вршеле ископ и експлоатација на минерални суровини. Првообвинетиот од страна на инспектори од одделот за економски криминал при СВР Велес, во ноември годинава бил затекнат како со машина врши утовар на кварц во две товарни моторни возила во близина на фудбалското игралиште кај село Извор. Тој бил вработен во фирмата Пела Констракшн Инкорпорејтед и без концесила или дозвола неколкупати од местото ископувал кварц и го складирал во близина на фудбалското игралиште во селото. Откако собрал поголема количина се договорил со фирмата во која бил вработен да и го продаде кварцот за што добил одредена сума на пари. Второобвинетиот М. Ѓ бил одговорен во фирмата Пела, па затоа кривична заработил и тој и фирмата како правно лице.Еден месец претходно инспектори од СВР Велес затекнале уште три лица како незаконски вршат ископ на минералот кај атарот на село Оравдол во општина Чашка. Откако инспекторите ја проверила документацијата утврдиле дека фирмата Пела Констракшн Инкорпорејтед е одговорна за криминалот. Вработени во фирмата ископот го вршеле надвор од местото за кое таа имала концесија, приближно на 1.300 метри воздушна линија.Против двајцата велешани СВР Велес до Основното јавно обвинителство поднесе кривична пријава за сторено кривично дело „Незаконска експоатација на минерали“, а од фирмата инволвирана во криминалот одзеде едба работна машина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата во патничко возило со скопски регистарски ознаки пронашла 11 мигранти
На влезот во гевгелиското село Богородица, полициски службеници од Полициската станица за граничен надзор и гранични проверки Богородица во патничко возило „ауди“ со скопски регистарски ознаки вчера пронашле 11 лица мигранти.
МВР денеска осопшти дека вчера во 03.50 часот полицијата во патничко возило „ауди“ со скопски регистарски ознаки пронашла 11 лица мигранти, од кои пет лица од Сирија и шест лица од Република Турција.
– Откако ги забележал полициските службеници, возачот на возилото го напуштил местото. Мигрантите биле сместени во прифатно – транзитен центар во Гевгелија. Се преземаат мерки за расчистување на случајот, се појаснува во соопштението од МВР.
Црна хроника
ДУИ го осуди нападот врз претседателот на ФФМ
ДУИ го осуди вчерашниот напад врз претседателот на Фудбалската федерација Муамед Сејдини и изрази загриженост дека ова треба да биде силен аларм дека меѓуетничките тензии во земјата се зголемени.
„Овој инцидент се случува во време кога Владата се однесува како „бик во продавница за порцелан“, игнорирајќи ја и маргинализирајќи ја улогата на Албанците во јавниот и институционалниот живот и потценувајќи ја важноста на меѓуетничките односи. Ваквите постапки, кои доаѓаат во недела со серија други инциденти со етничка заднина, само дополнително ја влошуваат ситуацијата и создаваат опасна атмосфера за меѓуетничкиот соживот“, пишува во соопштението на Демократската унија за интеграција.
ДУИ тврди дека претседателот на ФФМ бил нападнат само поради неговата етничка припадност.
„Овој напад се случува и во контекст на голем неуспех во процесот на европска интеграција, што предизвика длабоко разочарување и ги затемни перспективите и надежите на нашите граѓани. Навредливите изјави на министерката за образование, која ги навреди вработените Албанци, нарекувајќи ги „неписмен народ”, дополнително ги зголемуваат тензиите и поделбите во општеството“, се вели во соопштението на партијата.
ДУИ ги повикува органите да реагираат брзо и професионално за да го расчистат овој случај, а Владата сериозно да размисли за важноста на зачувувањето на меѓуетничките односи и да ги почитува принципите на правично и еднакво застапување на сите граѓани.
Црна хроника
Тешко повреден 72-годишен возач на електричен тротинет
Вчера околу 19.25 часот во СВР Куманово било пријавено дека на ул.„Доне Божинов“ се случила сообраќајна несреќа помеѓу мопед „пежо“, управуван од Д.М.(18) и електричен тротинет управуван од Џ.И.(72), двајцата од Куманово.
„Во несреќата со тешки телесни повреди се здобил возачот на тротинетот, констатирани во Општата болница во Куманово“, информираат од МВР.
Извршен бил увид од увидна екипа на СВР Куманово.