Извозот во првите десет месеци од оваа година се зголемил за 20 отсто во споредба со минатата година што покажува подобрување на македонската економија, вели Фатмир бесими, министер за економија

На денешната конференција „Движењата во надворешната трговија на Македонија во 2009 година“ текстилот, железото и челикот беа посочени како главни сектори за извоз.„Минатата година бележи негативни резултати, бидејќи се намалува извозот и увозот ноза оваа година очекуваме дека ќе биде подобра ситуацијата. Податоците покажуваат дека извозот се придвижува и расте со поголема динамика отколку што расте увозот“, рече Томе Неновски, универзитетски професор.Вицепремиерот Владимир Пешевски рече дека за зголемување на извозот за идната година Агенцијата за странски директни инвестиции се стекнува и ќе има за задача да го промовира извозот.„На светско ниво постои еднаквост, односно колку една држава повеќе извезува таа е и поконкурентна и во таа насока ги движиме и мерките за зголемување на извозот“, рече Пешевски.Тој додаде дека продолжува договорот со турската компанија „Шише Џам“ за изградба на фабрика за стакло и очекува започнување на инвестицијата во првиот квартал од идната година.„Јас сум оптимист дека тој процес ќе заврши успешно, но се работи за голема инвестициска одлука од страна на компанијата, очекувам во првиот квартал од следната година да го добиеме конечниот одговор дали ќе инвестираат или не“, рече Пешевски.Инвестицијата на турската компанија беше најавена дека ќе изнесува 45 милиони евра.