Австриската полиција во средата и четвртокот во Виена уапсила 69 лица кои се сомничат дека се членови на македонска криминална група, која се занимава со шверц на дрога во западна Европа

Сојузната канцеларија за криминалистички истраги во Виена, соопшти дека станува збор за една од најголемите полициски операции против организираниот криминал во Европа. Во текот на операцијата на австриската полиција биле спроведени неколку десетици рации.Македонската полиција во вчерашната акција „Диригент“ уапси 29 лица од четири града, а меѓу уапсените се и организаторите на озлогласената „Франкфурт мафија“. Во вчерашната акција во Скопје, Велес, Гевгелија и Свети Николе учествувале 350 полицајци, а уапсен е Зоран Манасков – Скршениот, Спасе Димовски – Ајдукот и неговиот син Томе Димовски сите од Велес.Во текот на денешниот ден е закажана заедничка прес конференција на официјални полициски лица од Австрија и Македонија, на која ќе бидат изнесени повеќе детали за акциите спроведени во двете земји.