Двајца непознати вооружени и маскирани разбојници синоќа околу 20 часот ограбиле и раниле сопственик на менувачница во Гостивар, соопштуваат од СВР Тетово

Според исказот на повредениот, двајцата разбојници, едниот вооружен со пиштол, другиот со автоматска пушка, го пресретнале пред неговата семејна куќа во населбата Бањешница.Заканувајќи му се, му наредиле нему и на неговите синови, кои биле заедно со него во „голфот“ да излезат од автомобилот. Едниот од разбојниците испукал кус рафал во неговите нозе, кој завршил во десната натколеница. Вооружените разбојници влегле во „голфот“ и избегале во непознат правец заедно со чантата на сопственикот на менувачницата во која имало 12.000 евра и ваучери за мобилен телефон.   Истражите органи извршиле увид на лице место, а повредениот бил пренесен во гостиварската болница, по што бил пуштен на домашно лекување.