Црна хроника
Потврдено загинувањето на Шаровиќ од Организиран криминал

Министерката за внатрешни работи Годрана Јанкулоска за новианрите потврди дека во синоќешната сообраќајна несреќа на булевaрот „Илинденска“ загина високиот функционер во МВР Владимир Шаровиќ
„За жал утрово се случи тешка сообраќајна несреќа во која животот го загуби еден од нашите најдобри работници на планот на којшто работеше и сакам да изразам искрено сочувство до семејството и блиските. Ние загубивме близок соработник, истрагата се уште трае и не би одела со шпекулации се додека не се затвори истрагата и не ги имаме сите податоци релевантни за оваа сообраќајна несреќа во која животот го загуби еден од нашите најблиски соработници“, изјави министерката за внатрешни работи Гордана Јанкулоск, изразувајќи сочувство до семејството на Владимир Шаровиќ, високиот функционер при Одделот за организиран криминал. Официјално засега се соопштува само дека несреќата се случила околу 3.30 во неделата наутро, и дека загинатиот Шаровиќ управувал со службен автомобил „опел астра“ во кој бил сам. Други детали во моментов не се соопштуваат. Миниатерката Јанкулоска најави повеќе информации и детали, по завршувањето на истрагата за несреќата.Имајќи ја предвид високата и одговорна функција во полицијата, од Министерството за внатреши работи не шпекулираат.Одговарајќи на новинарско прашање дали се спроведува истрага и за можна ликвидација на Шаровиќ, министерката Јанкулоска повтори дека сите детали ќе бидат познати по завршувањето на истрагата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени седум полицајци, осомничени дека помогнале дискотеката „Пулс“ да добие лиценца

Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција донесе наредба за спроведување истражна постапка против седум полициски службеници. Според дејствата опишани во наредбата, постои основано сомнение дека осомничените сториле кривично дело тешки дела против општата сигурност.
Kако службени лица вработени во СВР Штип и ПСОН Кочани како соизвршители, осомничените, изготвувајќи, потпишувајќи и одобрувајќи позитивна согласност, му овозможиле на правно лице да стекне лиценца за вршење угостителска дејност – кабаре иако објектот не ги исполнувал законските услови за работа.
Осомничените сите заедно предизвикале значителна опасност за животот и телото на луѓето овозможувајќи кабарето да работи во супстандардни услови, при што на 16.3.2025 година во објектот настана пожар, во кој починаа 59, а 196 добија тешки телесни повреди.
Ценејќи дека се исполнети условите, јавниот обвинител до судијата на претходна постапка достави предлог за определување мерка притвор за сите седум лица.
Црна хроника
Пронајден починат осуденик во затворот „Идризово“

Синоќа во 22.55 часот во СВР Скопје, од Казнено – поправната установа Затвор Идризово било пријавено дека во установата бил пронајден починат осуденикот З.М.(33) од Куманово.
Лекар констатирал смрт, а по наредба на јавен обвинител телото на починатиот било дадено на обдукција.
Црна хроника
Приведени тројца крадци од Прилеп: украдениот накит и другите предмети вратени на сопствениците

Вчера во Прилеп, полициски службеници од ОВР Прилеп ги лишиле од слобода Е.В.(27), Е.В.(47) и Г.Г.(30), сите од Прилеп.
При претреси во нивните домови, извршени со наредба од Основен суд Прилеп, биле пронајдени накит и други предмети кои потекнуваат од кривични дела „тешка кражба“, извршени во куќи во Прилеп.
Предметите биле вратени на сопствениците, а лицата биле приведени во полициска станица. По целосно документирање на случаите, против лицата ќе бидат поднесени соодветни пријави.