Припадникот на АРМ, кој вчера се обиде да ограби бутик за долна облека во центарот на Куманово, доби кривична пријава, соопшти МВР

Триесет итригодишниот жител од кумановското село Режановце вчера околу 15:30 часот маскиран со капа и под дејство на алкохол влегол во бутикот и со гасен пиштол почнал да и се заканува на вработената, при што од вратот и скинал златно синџирче со приврзок.Додека вработената се обидувала да избега од бутикот, разбојникот ја фатил и се заканил со нож. Вработената продолжила да дава отпор, но разбојникот почнал да ја стега за вратот и и нанел тешки повреди на лицето.Таа сепак успеала да се јави на телефон и да ја алармира полицијата, која за многу кратко време дошла и го уапсила разбојникот.Сега се преземаат мерки за утврдување на евентуална негова инволвираност во извршувањето на други вакви дела.Ова не е првпат припадник на АРМ да се најде во улога на ограбувач. Пред само неколку  дена припадник на АРМ, заедно со уште еден скопјанец, ограбија обложувалница во центарот на Скопје.Алфите го уапсија едниот од разбојниците, а по припадникот на АРМ сè уште се трага.