СВР Велес до надлежното Основно јавно обвинителство поднесе кривична пријава против лицето Б.С. (53) од Велес, поради основано сомнение дека сторил кривично дело – „предизвикување општа опасност“

Во текот на јануари 2011 година, на точно неутврден датум, пријавениот земал едно од своите огревни букови дрва и со помош на рачни сврдли направил издлабен кружен отвор во дрвото, каде поставил едно цилиндрично парче експлозив – топовски удар. Тој  незабележан од никого го оставил дрвото заедно со дрвата на соседот М.П., со кого, инаку, подолго време имале нарушени односи, а со намера кога соседот ќе го стави “преработеното“ дрво како огрев во ќумбето да дојде до експлозија, нанесувајќи му штетни последици по здравјето и животот.Оштетениот, сепак, забележал дека едно од наредените дрва е со поголема димензија од неговите и е буково, по што почнал да го цепи и забележал дека во средината на дрвото имало нешто слично на експлозив, по што случајот го пријавил во полиција.Од страна на увидна екипа од СВР Велес извршен е увид на лице место од каде што  се одземени е “обработеното“ дрво и експлозивот, а потоа тие се доставени на вештачење во Одделот за крим-техника при МВР. Со наредба од истражен судија при Основен суд Велес извршен е претрес во домот на осомничениот, каде во една од помошните простории се пронајдени три рачни сврдли со разни димензии обоени во сина боја, кои се одземени и доставени за вештачење.По добиените анализи од извршеното вештачење, констатирано е дека бојата како и карактеристиките на издлабеното дрво се совпаѓаат со бојата и големината на пронајдените сврдли.Пријавениот Б.С. претходно е пријавуван и за други кривични дела против имотот, за што му се изрекувани и затворски казни.   крај/мвр/