Црна хроника
Проширена истрагата за Пајажина- се вештачат запленети компјутери
Истрагата со сослушување на вешти лица ангажирани за предметот Пајажина, денес кратко траеше. Поради барања на одбраната да и бидат доставени сите документи и докази околу проширувањето на истрагата истражниот судија анализата на вештаците ја презакажа за понеделник
Во дополнувањето на истрагата меѓу другото било наредено и вештачење на запленетите компјутери за што одбраната не била во можност да се произнесе.Во истражното одделение вторпат од истражниот затвор “Скопје” и од куќен притвор се носат притворените за случајот во кој сопственикот на А1 телевизија Велија Рамковски и управители на фирми на улицата Перо Наков се осомничени за перење пари и даночно затајување. Првото излагање на вештаците беше одложено поради процедурални пречки.Притворените во овој дел од постапката се носат во судот бидејќи треба да дадат појаснување на документи кои ќе им бидат презентирани од вештаците. Потоа документацијата повторно ќе биде вештачена.Додека трае истрагата се чека и одлуката на Кривичниот Совет за замрзнатите сметки на А1 и другите фирми.Обвинителката Гордана Гешковска предложила сослушување на уште четири сведоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.