Црна хроника
Две лица загинаа во тешка сообраќајна несреќа кај Мислешево
Две лица го загубија животот во тешката сообраќајна незгода што утрово околу 5 часот и 25 минути се случи на магистралниот пат Охрид-Струга во близина на селото Мислешево
Емин Р. (36) и Вегим Р.(23) двајцата од струшкото село Долна Белица, на лице место им подлегнале на повредите во момент кога патничкото моторно возило марка „Голф„ управувано од сега починатиот Емин Р. излетало од патот и се превртело. Сопатничката во возилото Анита К. (18) од Пустец, Република Албанија, која привремено престојувала во Охрид, се здобила со тешки телесни повреди. Истата, итно е пренесена во Општата болница во Струга а поради сериозноста на повредите потоа и во болницата во Битола.Тешката сообракајна незгода се случила поради неприлагодена брзина според условите и состојбата на магистралниот пат, поради која, сега починатиот Емин Р. кој го управувал патничкото моторно возило од Охрид кон Струга, изгубил контрола врз возилото по што истото преминало на левата страна од коловозната лента и излетало од патот.Во текот на денов, врз починатите ке биде извршена обдукција од страна на Доктор од Судска медицина. На местото на сообраќајната незгода, извршен е увид во присуство на Истражен Судија и Јавен Обвинител од Основниот Суд во Струга како и Полициски екипи од полициската станица во Струга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.