Црна хроника
25-годишен кавадарчанец пронајден на улица избоден со нож
Дваесет и петгодишно момче од Кавадарци било пронајдено на улица избодено со нож. Според полицијата, вчера во 15 часот во Пoлициската станица Кавадарци, од Итната медицинска помош во Кавадарци било пријавено дека на улицата Тиквешко востание бил пронајден Ј.М. (25) од Кавадарци со убодни рани од остар предмет.
Тој бил пренесен во Јавната здравствена установа Кавадарци, каде што му биле констатирани тешки телесни повреди и поради сериозноста на повредите, бил префрлен на Ургентниот центар при комплексот клиники „Мајка Тереза“ во Скопје. Повредите му биле нанесени од лицето Г.С. (38) од Кавадарци. Г.С. бил приведен во Полициската станица Кавадарци и се преземаат мерки за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мајка од Велес ги оставила петте малолетни деца сами и заминала за Скопје
Полициски службеници од полициската станица „Ѓорче Петров“ синоќа во 2:05 часот по полноќ лишиле од слобода 36-годишна велешанка. Претходно во СВР Велес било пријавено дека таа во домот ги оставила нејзините пет малолетни деца и заминала во Скопје.
Како што денеска информираат од СВР Велес, известен бил јавен обвинител и по документирање на настанот против неа ќе биде поднесена соодветна пријава.
Црна хроника
Приведен 21-годишен охриѓанец, нападнал полицаец
Вчера во 00:10 часот, во угостителски објект лоциран на улицата „Св. Климент Охридски“ во Охрид, приведен е лице на (21) од Охрид, кој претходно бил агресивен кон полициските службеници кои преземале службени дејствија.
По целосно документирање на настанот, против него, ќе биде поднесена соодветна пријава.
Црна хроника
Угинато куче со пена на уста најдено на улица во Кавадарци, ќе постапува обвинител
Угинато куче било пронајдено доцна синоќа на улица во Кавадарци, по насока на јавен обвинител телото било однесено на обдукција, информираа денеска од Секторот за внатрешни работи – Велес.
– Синоќа во 22:15 часот во ОВР – Кавадарци, од Здружението за заштита на животни било пријавено дека на улица „Димката Ангелов – Габерот“ во Кавадарци има мртво куче со пена на устата. По насока на јавен обвинител, телото на кучето било подигнато од ветеринарен лекар и однесено во ветеринарна станица за вршење обдукција. Се преземаат мерки за расчистување на настанот, соопштија од СВР – Велес.

