диницата за недозволена трговија со дрога во средата навечер запленила вкупно 143.000 штеки цигари, без бандероли вредни, преку милион евра, соопштуваат од МВР. Уапсени во акцијата нема

Во средата доцна вечерта, бил извршен претрес во штала во скопско Арачиново и во товарно моторно возило паркирано во близина на шталата се пронајдени цигарите. „Пронајдени и одземени се 722 пакети цигари марка „Престиж“, 1899 пакети цигари марка „Трокадеро“, 61 пакет цигари марка „Табакера“, 6 пакети цигари марка „ЈФК“, 105 пакети цигари марка „ФМ“ и 67 пакети цигари марка „Јесмоук“ или вкупно 2860 пакети со 143.000 штеки цигари, од странско производство, без соодветни маркици-бандероли. При извршувањето на претресот не се затекнати лица“ соопштуваат од МВР.Ќе биде поднесена кривична пријава против непознат сторител кривично дело „Криумчарење“, а полицијата ќе продолжи да трага по сторителите.Од 2002 до 2006 година, МВР запленила само 106.000 штеки односно 40.000 помалку од вчера запленетите цигари.  За последниве неполни пет години МВР одзеде околу 30 тони разновидни цигари, во вредност од над 2.5 милиони евра, како и над 1.6 тони дробен тутун. Последнава акција е една од најголемите заплени на цигари наменети за шверцување.