Црна хроника
26-годишен државјанин на Косово осомничен за спречување на полициска акција

Основното јавно обвинителство Скопје поведе постапка против 26-годишен државјанин на Косово за кого постои сомнение дека сторил кривично дело – Спречување службено лице во вршење службено дејствие од член 382 став 1 од Кривичниот законик.
На 3 октомври, на регионалниот пат од Скопје-ГП Блаце полициски службеници со службено возило се обидувале да запрат товарно возило „мерцедес спринтер“.
Косовскиот државјанин, со автомобил „волво“ со косовски таблици со голема брзина им го пресекол патот. Движејќи се меѓу полицискиот автомобил и товарното возило правел движења и маневри со кои ги спречувал полицајците во вршење на службеното дејствие и така му овозможил на товарното возило да побегне.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот косовски државјанин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Прегазен пешак во Охрид, возачот побегнал

Синоќа во 22.40 часот во СВР Охрид е пријавено дека на улицата „Гоце Делчев“ во Охрид, патнички автомобил удрил во пешакот Е.С.(59) од Охрид и го напуштил местото.
Пешакот е пренесен во болницата „Св.Еразмо“ во Охрид каде му биле констатирани тешки телесни повреди. По преземените мерки, полициски службеници од Полициската станица за безбедност во патниот сообраќај Охрид, констатирале дека се работи за патничко моторно возило „фолксфаген ап“ со охридски регистарски ознаки, управуван од С.П.(24) од Охрид.
По овластување на јавен обвинител увид на местото изврши екипа на СВР Охрид, додека по целосно документирање на случајот против С.П. ќе биде поднесена соодветна пријава, соопшти полицијата.
Црна хроника
Приведени двајца крадци во Велес, одземеното е пронајдено и вратено на сопственичката

Доцна по полноќ, полицијата ги приведее Б.Ј.(44) и Љ.Т.(42), двајцата од Велес, поради сомнеж дека од домот на 53-годишна велешанка одзеле повеќе предмети.
Предметите се пронајдени и вратени на сопственичката.
Известен е јавен обвинител и по документирање на настанот против нив ќе биде поднесена соодветна пријава.
Црна хроника
Приведен грчки државјанин на Табановце, во неговото возило биле пронајдени пиротехнички средства

Полицијата приведе грчки државјанин на Табановце, а во неговото возило биле пронајдени пиротехнички средства.
„На 24.04.2025 околу 23.30 часот на Граничен премин Табановце, на излез од државата, полициски службеници го лишиле од слобода Н.К.(29) од Република Грција затоа што при гранична контрола и преглед во возилото со германски национални ознаки, кое го управувал, биле пронајдени повеќе разновидни пиротехнички средства“, информира МВР.
Лицето било задржано во полициска станица и по целосно документирање на случајот, во координација со јавен обвинител, против него ќе биде биде поднесена соодветна пријава.