Црна хроника
Три лица нападнале 26-годишник во гостиварски Градец, користеле метален боксирач

Дваесет и шестгодишниот Е. М. од Неготино, Полошко, вчеравечер, во 23.50 часот, во СВР Тетово пријавил дека два часа пред тоа во гостиварски Градец физички бил нападнат од 23-годишниот Д. А. и од уште две други лица од ова село, кои од порано ги познавал, извести СВР Тетово.
Според пријавеното, во нападот еден од нив користел и метален боксирач, се додава во соопштението.
Се преземаат мерки за целосно расчистување и документирање на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
MВР со детали за превртениот автомобил кај Волково – возачот е 25-годишен, меѓу тешко повредените и дете

Три лица се тешко повредени, а едно полесно во сообраќајката што се случи вчера на автопатот Скопје-Тетово, во близина на клучката кај Волково.
Според деталите од МВР, автомобилот е од марката „бмв“ со скопски регистарски ознаки управуван од Х.И.(25). Тој излетал од коловозот и се превртел.
Покрај возачот, тешко повреден е и неговиот сопатник Б.Б., но и уште еден малолетен сопатник кои биле пренесени на Комплексот клиники.
Со телесни повреди се здобил сопатникот А.И.(56).
Извршен бил увид.
Црна хроника
Автомобил удри во велосипедист од Прилеп

Автомобил удри во велосипедист на улицата Андон Слабејко во Прилеп, пришто велосипедистот се здоби со тешки повреди.
Несреќата се случи вчера на пладне.
„Автомобил „опел“ со прилепски регистарски ознаки управуван од О.Ѓ.(75) удрил во велосипед управуван од М.Т.(50), инаку двајцата од Прилеп. Во несреќата велосипедистот се здобил со тешки телесни повреди констатирани во Градската болница Прилеп“, соопшти МВР.
Извршен бил увид.
Црна хроника
Херион најден кај три лица во Кочани, поднесена кривична пријава

На 05.04.2025 од страна на Надворешната канцеларија за криминалистички работи Кочани до OJO-Кочани е поднесена кривична пријава по чл.215 од К3 за “Невластено производство и пуштање во промет на наркотични дроги, психотропни супстанции и прекурсори” против лицата С.А.(34), С.А.(23) и Н.А. (24) од Кочани.
Имено, од страна на инспектори од НК за КР Кочани при претрес кај пријавените лица пронајдени се 14,9 грама наркотична дрога хероин.
Од страна на Основен суд Кочани за горепријавените е определена мерка притвор во траење од 30 дена.
Лицата С.А и С.А се спроведени во Затвор Куманоно, додека лицето Н.А сеуште не е достапно за органите на прогонот и за истото ќе биде распишаната централна потерница.
Дополнително од страна на НК за КР Кочани до ОЈО Кочани ќе биде поднесена кривична пријава по чл.242 од кривичниот законик за “Одземање моторно возило” против горенаведениот С.А. (34) од Кочани, бидејќи на 22.03.2025 одземал патничко возило “БМВ 318” со кочански регистарски таблички.
По оперативно-тактички мерки од страна на полициски службеници од СВР Штип, предметното возило е пронајдено на 04.04.2025, по што е вратено на сопственикот.