Црна хроника
Фокус: Заштитениот сведок признал дека ги возел убијците

Хаки Хазири, шестоосомничениот за тероризам кој сам побарал да биде обвинет, а не заштитен сведок, потврдил дека ги возел убијците, пишува в дневниот весник „Фокус“, повикувајќи се на извори од истрагата.
Според пишувањата на „Фокус“, Хазири тврдел дека не знаел дека се подготвува убиство сé додека осомничените не ставиле „фантомки“ на главите и не извадиле оружје.По убиството го оставиле возилото кое подоцна го пронајде полицијата, а со друго се упатиле кон кумановските села каде негов чичко им помогнал на осомничените илегално да избегаат во Косово, пишува во четвртокот Фокус.
Дваесет иосум-годишниот Хазири пред судот појаснил дека двајца од осомничените му биле роднини. Чичко му е лицето што им помогнало да избегаат на двајцата осомничени во Косово, додека еден од непосредните убијци му е братучед.
Откако по апсењето Хазири во полициската станица почнал да раскажува што се случило и да го опишува патот по кој оделе, полицијата му предложила да биде заштитен сведок.
Како што пишува Фокус, Хазири пред судот рекол дека ослабел 20 килограми поради грижа на совеста дека е учесник во грозоморно убиство за кое ни самиот не знаел. Токму затоа одлучил сé да каже.
Хазири го изгуби статусот на заштитен сведок, откако самиот побарал да биде обвинет за убиството кај Смилковското езеро. Против него е поднесена кривична пријава за „тероризам“ и одредена му е мерка 30 дневен притвор.
Според извори на Фокус, тој бил притиснат од семејството со кое имал контакт во текот на седумте дена по апсењето, додека бил под полициска заштита. Се плашеле од одмазда што ги предал роднините.
Освен Хазири, уште пет лица се осомничени за петкратното убиство што се случи кај Смилковско езеро кои исто така се товарат за „тероризам“. Двајца од нив се сé уште во бегство, како што се претпоставува најверојатно на Косово./крај/фокус/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.