Претпладнето во сообраќајна несреќа, загина 80 годишен пешак од Преспанското село Стење, јави битолската телевизија Тера.

Според полицијата во пешакот удрил камион марка Ивеко сопственост на битолска фирма, а управуван од 26 годишен битолчанец. Откако го удрил пешакот, камионот го напуштил местото на несреќата, но полицијата набргу потоа го пронајде возилото.„Според првичните сознанија, обезбедените материјални докази и обавените разговори со очевидци на настанот, истиот се случил на начин што, лицето кое го управувало товарното моторно возило, кога дошло на критичното место, каде преземало дејствија-враќање наназад, во еден момент, со задното лево тркало од возило го прегазил пешакот, кој се движел во истата насока, откако претходно го соборил на коловозот“, соопшт полицијата. Од ударот, пешакот се здобил со тешки телесни повреди од кои починал на местото на незгодата, по која возилото го напуштило местото на настанот. Меѓутоа, набргу потоа, од страна на политициски службеници од Ресен, возилото на кое се пронајдени траги од незгодата е пронајдено, а од обавените разговори со очевидци на настанот, првично е констатирано дека се работи за истото возило како учесник во настанот. /крај/тт/ап/