Црна хроника
Избеган затвореник уапсен кај Порој
Избеган затвореник од затворот „Идризово“ е уапсен при сообраќајна контрола кај тетовското село Порој.
Станува збор за 35-годишниот Незафет К. од Тетово, кој на 23-ти јули избегал од „Идризово“, каде требало да доиздржи уште 3 години и 10 месеци казна затвор од вкупно 7 години и 10 месеци.
Тој е уапсен откако полицијата во вторникот извршила контрола на патничко возило „опел калибра” со тетовски таблички, во кој се превезувал со 47-годишен жител на Порој. Двајцата се легитимирани и приведени во тетовската полиција, откако е утврдено дека не поседуваат документи за возилото, кое имало лажни регистарски таблички.
Незафет К. во текот на среда ќе биде предаден на службите во „Идризово“. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.