Црна хроника
Бугарка со баење заработила 27.100 евра во Скопје
Полицијата поднесе кривична пријава против 49-годишната Г.И.М., државјанка на Бугарија, за сторено кривично дело измама, информираат од Министерството за внатрешни работи.
Бугарката е осомничена дека во периодот од јуни до септември лажно претставувајќи се дека може да ја претскаже иднината и лажно ветувајќи дека може да и’ помогне да ги надмине депресиите и да има повеќе среќа во животот, довела во заблуда жена во Скопје, од која земала 27.100 евра.
Сé започнало на 6-ти јуни годинава кога оштетената била на паркингот зад Собранието и во тој момент и’ се приближила пријавената и почнала да и’ раскажува детали од приватниот живот на оштетената кои се совпаѓале со нејзината стварна ситуација. Исто така, и’ кажала дека може да и’ ја претскаже иднината, понудувајќи и’ помош во иднина да не и’ се случуваат лоши работи.
Во три наврата пријавената во станот на оштетената изведувала некакви ритуали за да и’ „ги разбие“ црните магии кои и’ биле направени, за да ја излекува нејзината болна мајка и за да нема повеќе проблеми во љубовната врска. За истото оштетената во три наврата и’ дала по 9.000 евра за секој ритуал или вкупно 27.000 eвра.
Исто така, и’ побарала и мобилен телефон, по што оштетената и’ дала телефон марка Samsung S3350. Пријавената парите ги барала со изговор дека и’ биле потребни за да може ритуалите да имаат ефект.
На 17-ти септември пријавената повторно и’ се јавила и и’ побарала уште 9.000 eвра кои требало да и’ ги даде на 20-21 септември, а за возврат ќе и’ дадела некаква вода за прочистување од која понатаму нема да и’ се случуваат лоши работи.
Откако оштетената се посомневала во вистинитоста на нејзините кажувања, случајот го пријавила во СВР Скопје, по што на 21-ви септември пријавената е приведена и кај истата се пронајдени парични средства во износ од 3.000 евра кои претходно се кримтехнички обработени, една икона, една монета со жолта боја, едно шишенце од 200 мл. со непознат раствор, една амајлија наменета за оштетената и мобилен телефон марка Samsung S3350.
На осомничената и е одреден 30-дневен притвор. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.