Црна хроника
Судење „Детонатор“: Сакаа да ме убијат оти сум имал пари
Кочанецот Драганчо Стоименов, кого дел од обвинетите во случајот „Детонатор“ според обвинението, три пати се обиделе да го убијат, во петок повеќе од четири часа даваше исказ пред судот.
Во детали објаснуваше кој и како му се заканувал од 2009 па сè до 2012 година. Тврдеше дека дел од обвинетите во „Детонатор“ од Кочани и од Виница два пати го демолирале неговото кафуле во Кочани и впериле пиштол во неговата сопруга и постојано преку други луѓе му праќале пораки дека ќе го убијат.
Неговите роднини и пријатели постојано добивале закани и ги советувале да не се дружат со Драганчо, а имало и случаи кога на негови пријатели им нуделе по 20.000 денари месечно само да не се дружат со Стоименов.
Не знаеше да каже зошто бил под вакви притисоци и закани, но според неговите сознанија коишто ги слушал од луѓе, тоа го правел оти имал многу пари.
Обвинетиот Жан Железарски од кога му го демолирале кафулето, му рекол „ти имаш направено многу парички, гледај си го фамилијарниот живот“ му рекол Железарски на Стоименов.
Негов пријател од Кочани му кажал дека обвинетите Игор Горански и Симеон Михаилов, кој е во бегство, во Бугарија барале лице и начин за да го ликвидираат Стоименов. Двајца келнери од ресторан во близина на Виница на негов пријател му кажале дури и дека Игор Горански нудел 30.000 евра за негова ликвидација.
Добил и порака „ние ќе ти го направиме тоа, што ти сакаше да му го направиш на Сашко Стојчов“.
Поради ваквите закани и тепачките во неговото кафуле, тој бил принуден да го затвори бидејќи не доаѓале веќе гости. Повеќето време го поминувал во Скопје, каде живеел со својата сопруга Јанка Стоименова.
Дел од обвинетите се товарат дека два пати поставиле експлозивна направа во близина на автомобилот на Стоименов и се обиделе да го убијат. За ова Стоименов, вели дека претходно на фејсбук профил на еден од обвинетите имало пцовки насочени кон жена му.
На оштетениот обвинетите имаат можност да му поставуваат прашања и да се соочат за да се дознае што точно се случувало во Источна Македонија.
Во меѓувреме, во петок имаше ново продолжение на акцијата „Детонатор“ во Куманово, каде биле пронајдени и одземени 36 покер апарати. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.