Црна хроника
Момче претепано во 57-ка
Две непознати лица во петокот вечерта од засега непознати причини претепале момче во градски автобус во Скопје, нанесувајќи му видливи повреди на главата.
Како што соопшти во сабоата МВР, нападнат бил 22-годишниот С.О. од селото Радишани, кој се возел во автобус на ЈСП бр. 57 на релација од Бит пазар кон населбата Бутел.Момчето е нападнато кај семафорите на улицата „Џон Кенеди“ од страна на две непознати лица, при што бил удиран со тупаници по главата и лицето, од што се здобил со видливи повреди, крварење од носот, црвенило по лицето и оток на главата. Откако го натепале, лицата го напуштиле местото на настанот, а полицијата презема мерки за пронаоѓање на непознатите напаѓачи. /крај/ап/сн/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.