Црна хроника
Со секири и пиштоли расчистувале сметки

Жестока тепачка, во која биле употребувани секири, метални шипки и огнено оружје, се случила во средата во гостиварското село Сенокосе, поради нерасчистени имотно правни односи.
Според полицискиот билтен, најнапред избила вербална расправија помеѓу соседите Б.Б.(54) и Б.Б.(53) од една страна и од друга страна Н.Ј.(59), Ф.Ј.(37) и Е.Ј.(35), по што Е.Ј. и Ф.Ј. физички ги нападнале Б.Б. и Б.Б., удирајќи ги со секири и метални шипки по главата, од што им нанеле видливи повреди и од пиштол биле испукани неколку куршуми во воздух. Извршен е увид на местото на настанот, подигнати се пиштол, три чаури и два проектили, секири и метални шипки за вештачење, а се преземаат мерки за целосно расчистување на случајот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.