Црна хроника
Во автобус на „Млаз Богданци“ откриени мигранти од Сомалија, Судан, Еритреја

Во автобус на „Млаз Богданци“ кој сообраќал на релација Гевгелија – Скопје, откриени се 12 мигранти од Сомалија, Судан и Еритреја.
Автобусот бил сопрен за контрола на автопатот Неготино – Велес, на наплатната рампа Градско. Освен патниците кои оделе за Скопје, откриени се и 12 патници кои не поседувале никакви лични документи за идентитет.
По направениот разговор со мигрантите утврдено било дека станува збор за илегални мигранти кои илегално влегле во Македонија, кај Гевгелија.
Возачот и кондуктерот на автобусот не им наплатиле билети на мигрантите, туку им зеле по 10 евра и не им дале билет.
Против возачот и кондуктерот е поднесена кривична пријава и се наоѓаат во притвор, а мигрантите се однесени во Прифатниот центар за странци во Скопје./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.