Ноќта меѓу четвртокот и петокот од 20 до 00.30 часот во Скопје на пешачки остров на крстосницата од бул.„Партизански Одреди“ и ул.„Никола Тесла“ бил опожарен паркиран автомобил „БМВ З-4“ со скопски регистерски ознаки.

Возилото сопственост на З.Б.(1955) од Скопје, а управувано од неговиот син Б.Б.(1990) од Скопје, било опожарено до непознат сторител, соопшти полицијата.

Имено, сторителот откако дошол до возилото и најверојатно на предната и задната десна страна истурил лесно запалива течност или друго запаливо средство го запалил и предизвикал пожар, по што го напуштил местото на настанот.

Пожарот го опфатил и опожарил возилото на преден браник, заден браник, преден десен трепкач, заден десен трепкач, преден десен фар, предна хауба, предна маска, предно десно крило, десна предна и задна гума и алуминиумски бандажи, задно десно крило, задно ветробранско стакло, десна страна од кровот, заден капак од багажен дел и друго.

Пожарот е изгаснат од противпожарна екипа од Скопје.

Висината на материјалната штета дополнително ќе биде утврдена.

Од место на настанот подигнати се парчиња од опожарен материјал од возилото под предното и задното десно тркало.

Извршен е увид на лице место./крај/со/бб