Црна хроника
Македонска двојка депортирана од Малта поради украден IPhone

Мирослав Карафилоски (29) и Кристина Куслеска (25) добија условна казна затвор и депортација од Малта откако признаа кражба на iPhone од фризерница во Слиема, јави Malta Today.
Карафилоски и Кусеска се осудени на едногодишна казна затвор, две години условно. Тие ја признале вината откако анонимен јавувач во малтешката полиција рекол дека ги препознал крадците од видео-снимка објавена на сервисот ЈуТјуб. Тој ги забележал двајцата како работат на плоштадот во Слиема, по што полицијата ги уапсила.
Карафилоски и Кусеска остануваа во притвор до нивната депортација, откако беше утврдено дека имаат патни исправи со изминат датум на важење. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Крадци го разбиле катанецот и украле сандаци со пчели и мед во Штип

Вчера во СВР Штип, Г.Г. (47) пријавил дека во периодот од 12 до 16 август, со употреба на сила, бил отстранет катанец од метална врата на ограден простор под магистралниот пат Штип-Радовиш.
Според пријавата, одземени се сандаци од пчелни семејства, мед и други предмети.
Се преземаат мерки за расчистување на случајот.
Црна хроника
Бабата алармира: мајка физички го малтретирала тримесечното бебе во Струмица

Вчера во СВР Струмица, 40-годишна жена пријавила дека нејзиното тримесечно внуче било физички малтретирано од мајка му, сопруга на нејзиниот син.
Се преземаат мерки за расчистување на случајот, велат од МВР.
Топ
Две лица тешко повредени во групна тепачка во Скопје, полицијата апсеше од тинејџери до 50-годишни

Вчера на улицата Славеј планина во Скопје дошло до групна тепачка помеѓу неколку лица на возраст од 18 до 56 години.
По пријава во Полициската станица Бит Пазар, биле приведени С.Д. (50), С.С. (56), А.А. (19), С.Џ. (18), Џ.Р. (21), А.Д. (25), С.Д. (18) и Д.Д. (31), сите од Скопје.
Во тепачката биле користени разни тврди и остри предмети, а со тешки телесни повреди се здобиле С.Д. (33) и А.Д. (27). Уште неколку лица се здобиле со полесни повреди.
Според МВР, се преземаат мерки за расчистување на случајот.