Црна хроника
Адвокат од Велес фалсификувал уплатници

Наместо во својство на бранител или тужител, адвокат од Велес најверојатно ќе седне на обвинително клупа, откако во Основниот суд во Велес откриено е дека тој со фалсификувана уплатница ги комплетирал досиејата за 80-тина граѓани кои ја тужат ЕВН за наплата на манипулативни трошоци, јавува Лисица.
Адвокатот наместо на име судска такса да уплати 480 денари, со вирманска уплата уплаќал само 80 денари, подоцна на истиот вирман ја допишувал четворката и таквата уплатница ја прикачувал во предметот кој го доставувал во Судот.
„Разликата на впишаните бројки била очигледна, за кратко време сомнежите за фалсификуван налог се потврдија. Случајот го следевме, од Банката добивме потврда дека е улаќано по 80 денари, го комплетиравме и го предадовме во полиција“, вели Јордан Лазаров, претседател на Основниот суд во Велес.
Првичните судски пресметки говорат дека адвокат на овој начин го оштетил буџетот на Република Македонија за 32.000 денари.
Полицијата потврди дека работи на случајот, и по завршување на истрагата ќе испадне со информација дали ќе биде побарано од Основното јавно обвинителство започнување на судски процес./крај/лисица
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.