Приведен е еден од двајцата осомничени за пукањето кон Драганчо Стоименов, сведокот во случајот „Детонатор“, соопштуваат од МВР.

Од полицијата не соопштуваат детали, единствено информираат дека е приведен дваесет и деветгодишен скопјанец и дека се работи со него.

Токму Стоименов во полициска станица посочил дека двајцата скопјани на возраст од 29 и 32 години пукале кон него.

Засега од полицијата не ги поврзуваат напаѓачите со обвинетите од „Детонатор“. И двајцата и се претходно познати на полицијата, биле пријавувани во тепачки насилства. Напаѓачите засега се во бегство, но полицијата најавува пријави доколку се докаже дека токму тие го нападнале Стоименов.

Во неделата вечерта две лица пукаа кон Стоименов на паркингот пред зградата каде што живее во скопски Аеродром. Ова е четврт обид за убиство на Стоименов, откако два пати во близина на неговиот автомобил беше поставена експлозивна направа, а третиот пат еден од обвинетите во Детонатор му вперил пушка

Во судскиот процес „Детонатор“ им се суди на вкупно 16 лица од Виница, Кочани и Штип, двајца од обвинетите се во бегство.

Обвинителството ги гони за обид за убиство, злосторничко здружување, перење пари, затајување на данок, лихварство, насилство и измама.

Оштетениот Драганчо Стоименов, пред судот тврдеше дека имал сознанија дека бил прв на црната листа за ликвидација, што ја имале обвинетите./крај/фф