Црна хроника
Заштитениот сведок ќе даде исказ за случајот„Ровер“
Заштитениот сведок во случајот „Ровер“, во којшто еден од обвинетите е поранешниот министер за внатрешни работи Љубе Бошкоски, во петок ќе сведочи пред обвинетите, бранителите и обвинителката.
Бошкоски побара од судот на неговите бранители да им биде овозможено да го видат ликот на заштитениот сведок, за не се повтори случајот „Кампања“, кога според Бошкоски сведок на судењето не постоел.
Бошкоски во својот исказ рекол дека заштитениот сведок е криминалец, чиј исказ не треба да се зема како релевантен.
„Не гледам како успеа по 11 години да се најде еден криминалец, заштитен сведок, кој божем слушнал од покојниот Орце Коруновски дека ќе му се помогне во извршување на убиството и да ја напушти државата“, рече Бошкоски.
Во четвртокот заврши распитот на 11 од вкупно 15 обвинети кои се товарат за помагање за убиството на Марјан Тушевски и Киро Јанев во 2001 година.
Бошкоски се товари дека како министер за внатрешни работи во тоа време му дозволил на сега веќе починатиот Орце Коруновски да нарача убиство за Тушевски.
Марјан Тушевски и Кире Јанев беа убиени на 10-ти јули 2001 година. кога излегувале од кафулето „ЗУ“ во скопската населба Капиштец. Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега. За овој случај одговараат 15 лица, а четворица од нив се во бегство./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.