Црна хроника
Дошле да му наплатат струја, ги заклучил и сакал да ги убие
Двајца вработени во ЕВН едвај спасиле жива глава во битолското село Карамани, при интервенција кај еден должник за неплатена струја, кој најнапред ги заклучил, а потоа сакал сметките да ги израмни со пиштол, но бил спречен од неговото семејство.
Како што соопшти СВР Битола, лицата Н.М.(56) од Битола и Ѓ.М.(56) од Демир Хисар, двајцата вработени во ЕВН Македонија пријавиле дека во четвртокот во 11,45 часот додека во својство на службени лица интервенирале кај должникот Т.Ј.(72) од с.Карамани-битолско, истиот заедно со неговиот син П.Ј.(49) ги заклучиле во салонот од нивната семејна куќа.П.Ј. започнал да ги навредува и да им се заканува по животот, при што во еден момент тргнал во соседната соба да земе пиштол, но во намерата бил спречен од неговата сопруга и двајцата синови кој што се наоѓале во куќата, па откако не успеал во тоа се нафрлил врз пријавителите удирајќи ги со клоци и тупаници при што на Н.М. му нанесол телесни повреди.Пријавителите во еден момент успеале да го пронајдат клучот од влезната врата во куќата, да отклучат и да побегнат од местото на настанот.По целосното документирање на настанот против истите ќе биде поднесен соодветен поднесок. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.