Црна хроника
Убиен еден од мафијашките босови во Русија
Човекот кој се смета за еден од најголемите мафијашки босови во Русија, застрелан е во среда во центарот на Москва додека излегувал од ресторан по ручекот, соопшти руската полиција.
Аслан Усојан, познат по прекарот „Дедо Хасан“, го убил снајперист додека излегувал од ресторанот „Каретни двор“ во московскиот дистрикт Арбат. Телохранителот се обидел да го заштити, но не успеал, пренесуваат руските медиуми.
„Тој беше ранет и превезен во болница каде што им подлегна на повредите“, изјави претставник на полицијата. Во инцидентот полесно е ранета и една жена, случаен минувач.
Усојан преживеа обид за убиство во септември 2010 година кога во центарот на Москва беше застрелан во стомакот.
Тој беше близок соработник на рускиот мафијашки бос Вјачеслав „Јапончик“ Иванков, кој беше убиен во 2009 година.
„Дедо Хасан“ по потекло беше Курд, роден во Тбилиси во 1937 година.
Руските медиуми пишуваат дека ги контролирал „повеќето банди во Русија и соседните земји“. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.