Црна хроника
Затвореник на викенд отсуство ја ограбил Стопанска банка во Буњаковец

По расчистениот случај со разбојништвото во експозитурата на ТТК Банка во Прилеп, и СВР Скопје го расчисти и документираше случајот со разбојништвото во експозитурата на Стопанска банка во трговскиот центар „Буњаковец“ во Скопје од почетокот на јануари
За овие слуачи еден од осомничените е 56-годишниот П.С. кому истражен судија при прилепскиот суд му одреди мерка притвор од 30 дена поради разбојништвото во ТТК Банка.
На 3-ти јануари околу 10 часот П.С. вооружен со пиштол и заедно со уште едно засега неиднетификувано лица, двајцата маскирани со капи и шалови, влегле во експозитурата на Стопанска банка и заканувајќи им се на четворицата вработени одзел 454.747 денари и 120 евра.
Приведениот бил на издржување на затворска казна во „Идризово“ и на 30-ти декември бил пуштен на викенд по што не се вратил.
Од страна на СВР-Скопје извршен е разговор со осомничениот кој во целост го објаснил извршувањето на кривичното дело и ќе следи соодветна кривична пријава за осомничениот кој, инаку, минува во крим евиденциите на СВР-Скопје за извршени кривични дела – “тешка кражба“, “разбојништво“, “кражба“, “силување“ и “недозволено изработување,држење и тргување со оружје“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.
Црна хроника
Норвежанец приведен на аеродромот во Скопје, се однесувал агресивно

44-годишен државјанин на Норвешка бил приведен ноќеска на Меѓународниот аеродром Скопје, откако за време на летот од Осло до Скопје го нарушил јавниот ред и мир со агресивно однесување.
Како што соопшти Министерството за внатрешни работи, при обид полициските службеници да разговараат со него, мажот продолжил да се однесува агресивно и кон нив, попречувајќи го извршувањето на службените дејствија.
Лицето било приведено, а по целосно документирање на случајот, против него ќе биде поднесена соодветна пријава, информираат од МВР.