Црна хроника
Го исекле со нож, па во брзата помош се обиделе да го дотепаат

Струмичанец бил расечен со нож на лицето, од петнаесетина прилепчани, кои отишле во Медицинскиот центар да го дотепаат, јави полицијата.
Имено, во вторникот околу 21.30 часот, во Полициската станица во Прилеп од Медицинскиот центар Прилеп пријавено е дека бил донесен А.С.(29) од Струмица со повреди нанесени поради претходен физички напад.
По укажана лекарска помош во ходникот од Медицинскиот центар, А.С. и неговиот пријател П.Т.(51) од Прилеп биле пресретнати од околу 15 непознати лица, меѓу кои биле Б.Д., Б.Н., по што Б.Д. почнал да им се заканува.
Притоа П.Т. сакајќи да го одбрани А.С., бил удрен од Б.Д. кој замавнал со нож и го повредил во пределот на лицето.
Инаку, истиот ден околу 19.30 часот, во Прилеп на раскрсницата од улиците „Марксова“ и „Самоилова“, А.С. физички бил нападнат од две лица, кои подоцна учествувале во нападот во Медицинскиот центар.
Полицијата презема мерки за утврдување на сите учесници и целосно расчистување на случајот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Маж од Кумановско загина во сообраќајка меѓу товарно и патничко возило

Вчера околу 12.20 часот во СВР Куманово било пријавено дека на магистралниот пат Куманово- Крива Паланка, кај место викано ,,Ливади“, се случила сообраќајна несреќа помеѓу товарно возило „ман“ со кривопаланечки регистарски ознаки, управувано од О.П.(48) од Крива Паланка и патничко возило „пежо“ со кумановски регистарски ознаки, управувано од Б.С.(70) од с.Руѓинце, општина Старо Нагоричане.
Од здобиените повреди на местото починал возачот Б.С., а лекар од Итна медицинска помош констатирал смрт.
Извршен е увид од јавен обвинител и увидна екипа на СВР Куманово, соопшти полицијата.
Црна хроника
Возач во Гостивар усмрти 18-годишен мотоциклист

Полицијата уапси гостиварец кој со автомобил предизвика несреќа и усмрти млад мотоциклист.
Според информациите од МВР, ноќеска во 01.40 часот било пријавено дека се случила сообраќајна несреќа на ул.„Илинденска“ во Гостивар, помеѓу патничко возило „бе-ем-ве“ со швајцарски национални ознаки, управувано од И.М.(38) од с.Балиндол, гостиварско и мотоцикл со гостиварски регистарски ознаки, управуван од А.Б.(18) од Гостивар.
Од здобиените повреди на местото на несреќата починал мотоциклистот, а лекар од Итна медицинска помош констатирал смрт.
Возачот И.М. бил лишен од слобода, а по наредба на јавен обвинител, увид извршила увидна екипа на ОВР Гостивар и по целосно документирање на случајот, против него ќе биде поднесена соодветна пријава.
Црна хроника
Претрес во Кочани, пронајдени пиштол и марихуана, приведено едно лице

Полицијата во Кочани го приведе 36-годишниот К.И.. При претрес во неговиот дом, извршен со судска наредба, биле пронајдени и одземени пиштол „црвена Застава“ калибар 7,65 мм, марихуана и дробилка со остатоци од марихуана.
Лицето било задржано во полициска станица и по целосно расчистување и документирање на случајот, против него ќе биде поднесена соодветна пријава, информираше МВР.