Црна хроника
Во Чикаго убиена девојка која настапи на инаугурацијата на Обама
Девојка која минатата седмица настапила со нејзиниот училишен оркестар на инаугурацијата на американскиот претседател Барак Обама е убиена во парк во Чикаго, јави теелвизиската мрежа CBS во средата.
Полицијата објави дека 15-годишната Хадија Пенделтон се засолнала од дождот под настрешница во паркот со десетина други тинејџери а еден маж ја прескокнал оградата, потрчал кон нив и отворил оган. Напаѓачот пото апобегнал со автомобил.
Хадија била погодена со куршум во грбот и починала во чикашката универзитетска болница за помалку од еден час по нападот, извести CBS. Друг тинејџер бил застрелан во ногата и се наоѓа на болничко лекување За нападот се` уште никој не е уапсен.
Полицијата соопшти дека Хадија била примерна ученичка и не била поврзана со бандите, како и дека најверојатно не била цел на нападот. Меѓутоа, за неколкумина млади кои биле со неа во друштво, се претпоставува дека се членови на локалните банди, известува телевизијата.
Портпаролот на Белата куќа, Џим Карни, изјави дека станува збор за „страшна трагедија и оти мисли дека мислите на претседателот и правата дама се со нејзиното семејство“.
Полицијата на Чикаго распиша награда од 11 илјади долари за информација којашто ќе помогне за апсење на напаѓачот, објави Chicago Tribune./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.