Црна хроника
Крадец ограбил бензинска пумпа во Дебар, но додека бегал парите му паднале

Крадец ограбил бензинска пумпа во Дебар, но додека бегал парите му паднале, а вработената го спречила повторно да влезе и да го повтори грабежот.
Маскираниот разбојник вооружен со автоматска пушка синоќа влегол во бензинската пумпа Макпетрол во Дебар и побарал пари од вработената.
Откако му се спротивставила, крадецот испукал еден куршум и украл поголем износ од дневниот промет, но на излегување парите му испаднале на подот.
Откако избегал, тој забележал дека нема пари, по што повторно се вратил во бензинската станица.
Но вработената ја заклучила вратата и не успеал да влезе. Извршен е увид на местото на настанот, подигната е една испукана чаура, а се преземаат мерки за откривање на сторителот и расчистување на случајот./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.