Црна хроника
Приведен избеган затвореник од Идризово
Избеган затвореник од Идризово, осуден за обид за убиство, бил приведен од „алфите” на 23 април на булеварот Југославија во Скопје, соопшти полицијата.
Кај приведениот Ејуп Б., на 25 годишна возраст, е пронајдено и огнено оружје – пиштол марка “Застава ТТ” кал.7,62 со рамка со пет куршуми што го поседувал без дозвола, по што е уапсен, приведен и предаден во ПС Кисела Вода.
Приведениот на 03 февруари 2009 година на ул.„Кемал Сејфула” со уште две лица од возило „голф” со автоматски пушки испукале неколку истрели во правец на возило „ауди” управувано од Н.Џ. (39) со намера да го лишат од живот со што сторил кривично дело – “убиство во обид”, а Н.Џ се здобил со тешки телесни повреди.
Во друг случај, „алфите” на 25 април во неговиот дом во с. Паничари, Скопје, го пронашле Исни Ј. (30) од Скопје, баран по наредба од Основен суд Скопје 1 – Скопје КУИКП од 06.03. оваа година за издржување на казна затвор во траење од осум години за сторено кривично дело – “убиство”.
Тој е приведен и предаден во ПС Кисела Вода. Истиот со уште едно лице Самир Ј. (28) на 19. април 2004 година во село Буковиќ удирајќи го со 15 удари од пиштол по главата го лишиле од живот лицето Земри С. (19). /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.