Црна хроника
Член на 'Пинк Пантер' уапсен кај Париз
Член на бандата Пинк Пантер, криминална група специјализирана за големи грабежи на скапоцени накити во која се претпоставува дека членуваат криминалци од поранешните југословенски републики и Балканот, бил уапсен во вторникот во близина на француската престолнина Париз, откако побегнал од Германија каде бил осуден на затворска казна, пренесува AFP повикувајќи се извори блиски на истрагата.
Станува збор за Ниџан Дробњак, родум од Црна Гора, кој бил уапсен во Шарентон-ле-Пон, предградие на Париз во акција на припадниците на француската Бригада за борба против криминалот (BRB), додал соговорникот на агенцијата.
Европскиот налог за апсење бил издаден откако германскиот суд го осудил на седум ипол години затвор поради вооружен грабеж и кражба. Во вторникот доцна вечерта бил изведен пред судот кој требало да го одобри неговото екстрадирање на Германија.
Одговарајќи на новинарско прашања, германското министерство за правосудство, не можело да биде потврдено дали Дробњак ќе биде предаден, несакајќи да дава никакви информации по тоа прашање. „Не можеме ништо да кажеме за тоа. Бидејќи постапката е во тек, мораме да ги почитуваме правата на односните лица“, рекол портпаролот на германското министерство.
Бандата Пинк Пантер, за којашто се претпоставува дека има меѓу 100 и 150 членови, главно од земјите од поранешна Југославија, е позната по кражбите на скапоцени накити низ целиот свет, при што според полициски забелешки покажува „завидна умешност и ладнокрвност“ .
Повеќето грабежи во последните десет години коишто се ставаат на товар на членовите на оваа криминална група се изведени во Дубаи, во Швајцарија, Лихтенштајн, Монако, Токио, Париз, Сент-Тропе, по Германија и во Австрија.
Името на бандата и’ го дадоа британските полицајци кои така а ја нарекоа по грабежот во Лондон во 2003 година, кога еден разбојник го сокрил дијамантот во козметичка маст, како и во филм од серијалот „The Pink Panthe“.
Се сомнева дека оваа група последните десет години украла накит во вредност од 250 милиони евра./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Повреден возач по судир на две товарни возила на автопатот Скопје-Тетово
СВР Тетово информира дека во 10:05 часот била пријавена сообраќајна незгода на автопатот Скопје-Тетово.
На околу 500 метри после клучка Желино се случила сообраќајна незгода помеѓу товарно возило „Ивеко” со скопски регистерски ознаки сопственост на „Македонија пат” управувано од Ј.С.(54) од с.Рогле, тетовско и товарно возило ,,Мерцедес” со скопски регистарски ознаки управувано од Н.С.(51) од Скопје.
– Во незгодата со телесни повреди се здобил возачот Ј.С. констатирани во Клиничка болница Тетово, информира СВР Тетово.
Увид на лице место е извршен екипа од СВР Тетово.
Црна хроника
Се преврте камион кај Желино
Тешка сообраќајна незгода се случи пред малку на автопатот Скопје – Тетово. Според првичните информации, камион се превртел веднаш по наплатната рампа кај Желино, што предизвика значителен застој во сообраќајот.
Блокирани се првите две ленти, а возилата се пропуштаат само по третата лента.
Се апелира до сите учесници во сообраќајот да ја прилагодат брзината на условите на патот, да држат соодветно растојание и да бидат исклучително внимателни додека поминуваат на овој потег додека трае увидот и расчистувањето на теренот.
Топ
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи на автопатот Белград – Ниш, кај клучката Умчари, пишува српски „Курир“.
Несреќата се случила кога патничко возило „сеат“, со германски регистарски таблички, излетало од патот. Според неофицијални информации, возачот изгубил контрола над возилото, удрил во заштитната ограда и сообраќаен знак, по што автомобилот завршил надвор од коловозот.
Надлежните органи продолжуваат со истрагата за целосно утврдување на околностите под кои се случила несреќата.

