Црна хроника
Бајачка и’ зела 30.000 денари на велешанка,- ја мамела дека бае против црни магии

Лажна бајачка, гатачка која се претставувала дека гледа на икони и отстранува црни магии оштетила велешанка за 30 илјади денари.
Измамата се случила во април, кога гатачката и’ рекла на 24-годишната велешанка дека гледа на икони и може да отстрани црни магии. За ова добила 500 денари, мобилен телефон и алишта за деца.
Наредниот ден, гатачката повторно дошла во домот на велешанката и и’ рекла дека магијата била многу силна и дека треба да забае на златен предмети.
Велешанката немала злато, па побарала златна огрлица од својата сосетка. Но гатачката никогаш не и’ ја вратила, ја продала во златарница за 7.000 денари. Против гатачката е поднесена кривична пријава за измама./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Полуматуранти нападнати во Скопје од повеќе врсници – пријавени два случаи за помалку од 4 часа

Во Скопје на 5 јули биле пријавени два одделни случаи на физички напади врз малолетници, случени во различни делови на градот.
Во првиот случај, 48-годишната Ф.Б. пријавила дека околу 18 часот на подрачјето на Бит Пазар, нејзиниот 15-годишен син бил нападнат од тројца малолетници, од кои еден употребил тврд предмет.
Во вториот случај, 44-годишниот В.Д. пријавил дека околу 14:20 часот во Градскиот трговски центар во Центар, неговиот 14-годишен син бил нападнат од неколку малолетници.
Се преземаат мерки за целосно расчистување на двата случаи.
Црна хроника
Уапсен жител на Батинци откако нападнал полицаец во Центар по сообраќајна незгода

Жител на село Батинци е уапсен рано утринава во Скопје, откако физички нападнал полициски службеник кој постапувал по пријава за нарушен јавен ред и мир во Центар, по сообраќајна незгода.
Инцидентот се случил околу 01:20 часот, а приведениот е 25-годишниот А.Т.
Се работи на целосно документирање на случајот, по што ќе следува соодветен поднесок.
Црна хроника
Тетовец ограбен кај Петровец по договорена средба со пријателка

Жител на Голема Речица вчера бил ограбен на подрачјето на Петровец од две машки лица, од кои едното било вооружено.
Според информациите од полицијата, грабежот се случил откако претходно договорил средба со пријателка од Куманово, па бил пресретнат од лицата кои биле во автомобил.
Му биле одземени пари и мобилен телефон. Се преземаат мерки за целосно расчистување на случајот.