Црна хроника
Со нож и мотика расчистувале кавга за наводнување

Две лица завршија во болница по расправија во врска со наводнување на нивите во тетовското Ново Село, која прераснала во тепачка во која биле употребен нож и мотика.
Тепачката се случила во саботата попладне кај месноста .„Стара Воденица“. Најнапред започнала расправија во врска со наводнување на нивите, помеѓу М.С. и Љ.А.(45), двајцата од с.Ново Село. На наведеното место наишол и Ш.С.(31), син на М.С., при што бил нападнат од Љ.А., кој му нанел убодна рана со нож во пределот на левата страна од стомакот. Потоа М.С. со мотика го удрил Љ.А.во пределот на главата. По настанот, двајцата се пренесени во Медицински центар Тетово, каде Љ.А. е задржан на лекување, додека Ш.С. по укажаната лекарска помош е пренесен во Клинички центар Скопје. Се преземаат мерки за расчистување на случајот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Двајца малолетници од Лабуништа направија сообраќајка, едниот возел мотор, другиот тротинет

Во селото Лабуништа, Струшко, се случи сообраќајна несреќа помеѓу двајца малолетници.
Едниот управувал мотоцикл „априлија“ без регистарски таблици, а вториот – електричен тротинет. Двајцата се од Лабуништа, соопшти МВР.
Во несреќата со тешки телесни повреди се здобил малолетникот кој го управувал тротинетот, констатирани во Специјалната болница „Св.Еразмо“ во Охрид. Извршен бил увид.
Црна хроника
Полицаецот ги користел запленетите пари и накит за да си отплати долгови, па рекол дека шкафот му е обиен – Обвинителството со детали

Донесена е наредба за спроведување на истражна постапка против полицаецот од Гостивар кој украл накит и пари запленети при претреси.
Осомничениот како како крим техничар бил ангажиран на увид во кој биле пронајдени предмети – парични средства во износ од 25.000 евра и златен накит кои тој ги фотографирал и подигнал.
По извршениот увид во рамките на своите службени должности настанот и предметите уредно биле внесени во дневната книга на настани и ЦЕМС системот.
„Осомничениот направил неколку обиди да ги предаде предметите на надлежниот јавен обвинител, но поради немање услови за чување во обвинителството, по насоки на јавен обвинител тој ги заклучил во неговиот шкаф во работната просторија. Предметите биле таму сѐ до моментот кога, иако му биле доверени во службата, одлучил да ги присвои. Така во неколку наврати подигнувал дел од парите и од златниот накит што го разменувал во златарница за парични средства кои понатаму ги користел за отплаќање на долгови. За да ги сокрие трагите, осомничениот ја извадил бравата од шкафот во неговата работна просторија и исценирал дека истиот е обиен“, соопшти Обвинителството.
Во текот на вчерашниот ден, кога неговите колеги го известиле за настанот, односно дека се прави увид во неговата канцеларија заради обиениот шкаф, тој дошол и го признал делото изразувајќи каење.
Предметниот обвинител на судијата на претходна постапка ќе му предложи на осомничениот да му биде определена мерка притвор.
Црна хроника
Седумнаесетгодишник со автомобил излета во Ресен, тешко повредени две млади лица

Возило управувано од 17-годишник, во текот на вчерашниот ден излетало од патот Ресен-Стење, на влезот во селото Царев двор.
Во несреќата со тешки телесни повреди се здобиле возачот, сопатникот С.М.(19) и малолетен сопатник, а со телесни повреди се здобил уште еден малолетен сопатник, сите од Ресен, соопшти МВР.
Извршен бил увид.