Црна хроника
Полициски сменоводител во Неготино доби кривична пријава
Секторот за внатрешна контрола и професионални стандарди при МВР до Основното јавно обвинителство во Кавадарци поднесе кривична пријава против Т.Ц. (38) од Неготино, полициски службеник-сменоводител во полициската станица во Неготино при СВР Велес.
Пријавата е поднесена поради основано сомнение дека сменоводителот во мај 2011 година, незаконски вратил одземено возило што било предмет на царински и сообраќаен прекршок, со што сторил кривично дело – “злоупотреба на службената положба и овластување“.Имено, на 28.05.2011 година околу 05,00 часот, полицискиот службеник Ј. Ѓ. од ПО за БПС Неготино при сообраќајна контрола на ул. „Индустриска“ во Неготино, сопрел ПМВ „Фиат Брава“ со бугарски национални ознаки. Поради нецелосна документација за возилото како и констатиран прекршок – “управување под дејство на алкохол“, возилото било донесено во кругот на ПС од ОН Неготино. Истиот ден во 16.00 часот во полициската станица дошол возачот на одземеното возило заедно со сопственикот на возилото и донеле целосна документација за возилото. По ова, пријавениот Т.Ц. без да ги запознае раководителите, без да се консултира со Царинската управа и без да ја разгледа важноста на приложените документи со потврда за вратени предмети му го вратил возилото на возачот и направил фотокопија од приложената документација.По добиеното сознание за претходно опишаниот настан, од страна на Секторот за внатрешна контрола и професионални стандарди извршени се проверки во ПС од ОН Неготино, направени се консултации со Царинската управа како и проверки во Националниот координативен центар за гранично управување во Скопје, од каде добиен е одговор дека предметното возило ја нема напуштено територијата на РМ во периодот од 01.07.2010 година до 30.06.2011 година. Исто така, од увидот во документацијата на возилото е утврдено дека зелениот картон бил со важност до 19.10.2010 година што значи дека за истото на денот на одземањето возачот не поседувал валиден зелен картон. Согласно наведеното, возилото не смеело да биде вратено на лицето кое што го управувало ниту пак на сопственикот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.