Приведени две лица од Велес, кај кои при претрес биле најдени дрога, оружје и други работи.

„ При претрес во домот на Л.Л.(35) и С.Т.(46), двајцата од Велес, извршен со судска наредба, биле пронајдени и одземени марихуана, куршуми калибар 6,35 мм, шприц со непозната течност, неколку дигитални ваги, пасош на име на друго лице и други предмети. Л.Л., исто така, се сомничи дека е сторител на кривично дело “разбојништво”. По целосно документирање на случајот против нив ќе бидат поднесени соодветни пријави.

Триесет и шестгодишен жител на Богданци е приведен за вознемирување на малолетничка од Богданци.

Според информациите од МВР, А.Г. на малолетното девојче му покажувал фотографии со недолична содржина и ја допирал по телото.

Тој бил приведен во полициска станица и по целосно документирање на случајот против него ќе биде поднесена соодветна пријава.

Тела на две починати лица, најверојатно мигранти, вчера биле пронајдени на местото викано „Јаворица“, атар на с.Миравци, гевгелиско.

По овластување на Јавен обвинител, полициски службеници од ОВР Гевгелија извршиле увид и притоа кај едното лице била пронајдена картичка за идентификација издадена од Република Грција и било утврдено дека станува збор за малолетник од Авганистан, додека кај другото лице не биле пронајдени документи за идентификација.

По наредба на Јавен обвинител телата биле дадени на обдукција.