Црна хроника
Наполнил бензин и заминал без да плати
Еден тетовец, го натанкал резрвоарот со гориво, си зел три кутии цигари и заминал од бензинската „Лук оил“ без да плати, јави полицијата.
Имено, ноќеска, околу 3.10 часот, во Тетово на ул.„Видое Смилевски – Бато“ на бензинската пумпа „Лук-оил“ дошло возило „Алфа Ромео“ од кое излегло непознато лице и од вработениот Ј.Н. (36) од Тетово, побарало да му наточи бензин за 4.000 денари.
Потоа влегол во продавницата, зел три кутии цигари, излегол надвор и откако не платил за горивото заминал во непознат правец. Околу 4.10 часот на гореспоменатата улица, во близина на бензинската пумпа, од страна на полицијата било забележано неговото возило со тетовски регистерски ознаки и при обид да биде легитимирано лицето кое го управувало возилото, истото веднаш на висок тон почнало да ги омаловажува и навредува полицајците.
Тие го предупредиле за последиците од таквото негово однесување, но тој ги нападнал удирајќи ги со раце и нозе.
Тој е совладан и приведен во Полициската станица-Тетово, а станува збор за В.Д.(33) од Тетово против кого ќе биде поднесена соодветна пријава./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен возач во Ресен, управувал возило со 2,79 промили алкохол во крвта
Вчера на ул. „Корчуланска” во Ресен, полициски службеници го лишија од слобода Б.Л.(45) од с. Царев Двор, ресенско.
При контрола во сообраќајот, од страна на полициските службеници било констатирано дека Б.Л. управувал возило „пежо“ под дејство на алкохол, односно измерени му биле 2,79 промили алкохол во крвта.
По документирање на настанот, против него ќе биде поднесена пријава по член 297-а од КЗ „безобѕирно управување со моторно возило”.
Црна хроника
Уапсени две лица во Пласница поради кражба на огревно дрво, следуваат соодветни пријави
Вчера во атар на село Преглово, општина Пласница, полициски службеници ги лишија од слобода А.М.(27) и М.М.(64) за кражба на дрво.
Полициските службеници затекнале патничко возило „опел” без регистарски ознаки, управувано од А.М., а сопатник бил М.М.(64), кое било натоварено со нежигосани огревни дрва, моторна пила и секири.
Дрвната маса е предадена на шумска полиција за понатамошно постапување, а против А.М. и М.М. ќе бидат поднесени соодветни поднесоци.
Црна хроника
Нападната и ограбена жена на улица во Аеродром
Вчера во 21:00 часот во СВР Скопје, М.П.М.(50) од Штип пријави дека околу 17:30 часот на подрачјето на општина Аеродром, едно лице со употреба на физичка сила и ја одзело чантата со паричник, лични документи, мобилен телефон и други предмети.
Се преземаат мерки за расчистување на случајот.

