Црна хроника
Поштар наместо да подели пензии, си ги присвоил парите

Поштар си присвоил 400 илјади денари, наместо да исплати пензии.
Како што соопшти полицијата, 46 годишниот Ј.Д. во текот на јули годинава, односно на 09.07., во својство на поштар вработен во АД Македонска Пошта – Подружница ЦРПС Скопје 1 Скопје ЕПМ 1060 Ѓорче Петров, постапувајќи спротивно на договорот за вршење на универзална поштенска услуга, прием и достава на пратки, противправно присвоил парични средства кои му биле доверени во работењето, а кои требало да ги достави до крајните корисници со што ја оштетил АД Македонска Пошта за сума од 400.000 денари.
Ј.Д. откако од главната благајна во ЕПМ 1060 Ѓорче Петров од главниот благајник задолжил парични средства во висина од 400.000, денари за исплата на пензии и социјална помош за корисниците од с.Крушопек и с.Лака, во периодот од 09.07. до 17.07. годинава воопшто не извршил исплата на истите, ниту пак за паричните средства се раздолжил во главната благајна.
Спротивно на тоа тој на 18.07. лично се јавил во просториите на АД Македонска Пошта каде што напишал изјава дека паричните средства му биле украдени од возилото и затоа истите не ги доставил до крајните корисници.
Од страна на СВР Скопје – ЕЕКК со пријавениот бил извршен разговор во кој истиот појаснил дека ташничката во која ги носел парите му испаднала од појасот и истата не успеал да ја најде, за што на 18.07. пријавил во АД македонска Пошта и по сопствена иницијатива дал отказ од работното место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Одземени возила што биле користени во „диви“ трки во Скопје

На 17.03.2025 од страна на Одделението за безбедност на патниот сообраќај при СВР Скопје привремено се одземени четири патнички моторни возила: „мерцедес“, „ауди“, „шевролет“ и „ форд мустанг“ поради учество во т.н. „диви“ трки на бул. „Трета Македонска бригада“ во Скопје.
По дополнително преземени мерки и извршени проверки во станица за технички преглед, две од овие возила се времено одземени по член 344 став 3 од Законот за безбедност на патниот сообраќај во времетраење од 90 дена, односно затоа што создавале голема бучава.
Исто така, против двајца возачи на другите две патнички моторни возила поднесени се прекршочни платни налози за техничка исправност и вградени фолии, соопшти полицијата.
Црна хроника
Пронајдени речиси 10.000 пиротехнички средства на Бит-пазар, лишено од слобода едно лице

Полициски службеници од СВР Скопје на подрачје на Бит Пазар го лишија од слобода Б.Д. (53) од Скопје.
При постапување по претходно изготвен план, на импровизирана тезга на Бит Пазар, пронајдени и одземени се околу 10.000 парчиња разновидни пиротехнички средства, наменети за продажба.
По консултација со надлежен јавен обвинител, лицето е задржано за понатамошна постапка и по комплетирање на целокупната документација ќе биде поднесена соодветна кривична пријава до Основното јавно обвинителство Скопје.
Црна хроника
Kривична за струмичанец поради обидот за убиство во Ново Село

Струмичката полиција поднесе кривична пријава за М.М.(47) од струмичко село поради постоење основи на сомнение за сторено кривично дело „убиство“ во обид, по член 123, во врска со член 19 од Кривичниот законик.
На 13.02.2025 во угостителски објект во с.Ново Село, пријавениот со остар предмет го нападнал Ѓ.Д. и му нанел повреди.