Во Париз е отворена е истрага за исчезнувањето на златни шипки во вкупна тежина од 44 килограми од патнички авион по неговото слетување, објавија француските медиуми во вторникот, за инцидентот кој се случил минатата седмица кога швајцарска компанија превезувала голема пратка злато, а по слетувањето било откриено дека во текот на летот исчезнал дел од златниот товар.

Вкупно на авионот на воздухопловната компанија „Air France“ на редовната линија Париз – Цирих од минатиот четврток, имало 300 килограми златни прачки. На парискиот аеродром Роаси – Шарл Дегол златото било товарено во багажниот простор на авионот од работниците на американската компанија „Brinks“ специјализирана за превоз на стоки со високи вредности. На крајната дестинација во камионот на истата компанија кој ја чекал пратката следниот ден било откриено дека два од деветте специјални контејнери со злато исчезнале.

Истрагата е усложнета поради тоа што исчезнувањето на дел од златниот товар било откриено следниот ден. Менаџментот на компанијата „Brinks“ негира дека кај неа има некаква вина со тоа што се случило на француската царина. „Компанијата не е одговорна за транспортот, туку нејзина обврска е да ја осигури безбедноста на пратката до испораката на товарот на Роаси, и таа задача Brinks беспрекорно ја изврши“, се вели во соопштението на американската компанија што го цитира AFP.

Истрагата за овој случај е доделен на истражниот оддел на француската жандармерија во воздухопловниот сообраќај. Според правосудните органи, најверојатно крадците имале помагач на меѓу персоналот на аеродромот, но засега нема никаква трага. Вкупно недостигале 44 килограми чисто злато во шипки. Првичната процена на штетата изнесува околу 1,6 милиони евра./крај/мф/сн