Црна хроника
Битолчанец починал, откако наместо инфузија му дале средство за дезинфекција
Битолчанецот Јорго Ангелевски починал откако вработен во битолската болница наместо физиолошки раствор му дал дезинфекциско средство.
Против 48-годишниот вработен е поднесена кривична пријава за убиство од небрежност.
Шеесетгодишниот Јорго Ангелевски боледувал од хронична депресија и откако се напил поголема количина лекови за смирување на 13 август, самиот отишол во Клиничката болница во Битола за да побара лекарска помош.
Во Одделението за ургентна медицина во Клиничка болница Битола вработениот во болницата кој не бил медицинско лице, од невнимание, му дал средство за дезинфекција.
Здравствената состојба нагло му се влошил и Ангелевски следниот ден починал. Грешката на вработениот била утврдена по токсиколошкото вештачење на Институтот за судска медицина. крај/мвр/тера/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.