Црна хроника
Пет убиени во Тексас
Чарлс Еверет Броунлоу во американската сојузна држава Тексас убил пет лица, меѓу кои и мајката и тетката, а уапсен е по потера во гратчето Терел, педесетина километри источно од Далас, соопштија во вторникот локалните власти.
Овој 36-годишник убил пет лица на четири локации, во нивните домови и продавници, а полицијата засега не располага со информации за можниот мотив за овој убиствен поход, пишува The Chicago Tibune.
„Спроведуваме сеопфатна истрага и се уште прва грижа ни е да ги известиме преживеаните членови на семејствата“, изјавил портпаролот на локалната полиција, А.Д. Сансом.
Полицијата прво во понеделникот попладне открила тело на жена во нејзиниот дом, а пожарникарите малку подоцна во домот на убиецот, каде што избил пожар, ја пронашле втората мртва жена, застрелана со огнено оружје. Полицијата тогаш започнала потера по Чарлс Еверет Броунлоу, па во друг дом пронашла уште една мртва жена и убиен маж. Додека тригодишното момченце било пронајдено живо во неговото креветче.
Следејќи го движењето на неговиот автомобил, при што бил користен и хеликоптер, ги одвело до една продавници, полицијата ја нашла и петтата жртва, застрелан маж. Потоа следела автомобилска потера, при што Броунлоу со својот автомобил бегал кон шумска област, но подоцна сепак бил уапсен.
Весникот потсетува дека на почетокот од годинава во истото гратче се убиени окружниот обвините и неговата сопруга, како и помошникот на окружниот обвините.
„Сите сме во шок. Ова што се случи има големо влијание врз нас“, изјавил за The Dallas Morning News, Џоди Леј началник на полицијата во Терел. „Имавме тешка година во Кауфман Каунти“, додал Леј./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.