Црна хроника
Пијан скопјанец цела ноќ се заканувал дека ќе запали цела зграда
Скопјанец ноќеска се заканувал дека ќе се запали себеси и зградата во којашто живеел на улица „Илинденска“, во центарот на Скопје.
По целовечерна драма, педесетгодишниот К.Л. утрово бил приведен и кај него било констатирано присуство на алкохол во крвта.
Според полициските информации, неговата сопруга пред полноќ пријавила семејно насилство во станот. Човекот држел плинска боца во рацете и се заканувал дека ќе се запали, се затворил во станот и фрлал предмети од тераса.
Полицајци и пожарникари цела вечер биле пред зградата, а останатите станари биле евакуирани.
Според информациите на порталите, скопјанецот претходно ги нападнал сопругата и синот, а според сé уште непотврдени информации тој претходно работел како телохранител.
Тој е приведен и сега се наоѓа во полициска станица. Мотивите за инцидентот сé уште не се познати./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.