Обезглавените тела на пет лица се пронајдени во саботата во мексиканската сојузна држава Мичоакан, објавија тамошните правосудни власти и прецизирале дека одговорноста за убиствата ги преземале убијци од картел о една сосед на сојузна држава.

Три тела биле пронајдени во мугрите во близина на мост кој води до местото Таримбаро, во предградие на Морелиа, главниот град на сојузната држава Мичоакан, соопштил висок функционер на локалните власти, пренесе AFP. Подоцна полицијата пронашла уште две обезглавени тела на еден од плоштадите во Мирелиа.

До телата стоел картон со потписот KJNG, ознака на картелот Халиско – Ново поколение, коешто дејствува во соседната сојузна држава Халиско. Таа држава којашто излегува на Тихион Океан, е клучен регион за трговијата и транспорт на дрогите.

Полициските службеници рекле дека според досегашните сознанија убиените лица не се поврзани со организираниот криминал, што наведува на тезата дека станува збор за кампања на терор за да се покаже присутноста на картелот во државата Мичоакан.

Мексиканската влада во мај годинава започна нова операција за сузбивање на ескалацијата на насилствата предизвикани од судирите меѓу наркодилерите и меѓу картелите и групите за самоодбрана формирани за заштита на локалното население, Групите за самоодбрана истакнуваат дека земале оружје в раце бидејќи власите се неспособни да го одбранат населението од рекетирањето, грабнувањата и убиствата коишто ги извршуваат злосторничките организации./крај/мф/сн