Црна хроника
Пожарникари случајно нашле плантажа со марихуана

Белгиската полиција во неделата запленила повеќе илјадници стебла марихуана којашто пожарникарите случајно ја откриле додека гаснеле пожар во една зграда, но одгледувачите не се пронајдени.
Ултрамодерната плантажа на повеќе од илјада квадратни метри на третиот кат од зграда на чудесен начин го избегнала пожарот што ја зафатил таа поранешна фабрика, како и уште една зграда во местото Лесинес близу Турне. Плантажата била опремена со специајлно осветлување и систем за наводнување за секое растение.
Марихуаната не настрадала во пожарот, изјавил за новинската агенција Belga, началникот на локалната противпожарна бригада.
Градоначалникот на Лесинес, Паскал де Андшутер изјавил за телевизијата RTL дека полицијата запленила 10 илјади растенија чијашто вредност е проценет на пет милиони евра. Така, станува збор за најголемата заплена на марихуана во тој регион./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
За осум часа казнети 76 возачи во Скопје, 20 од нив возеле мотоцикли

Синоќа од страна во периодот од 17.00 до 01.00 часот полицијата во Скопје повторно спроведе засилена сообраќајна контрола на учесниците во сообраќајот кои управуваат мотоцикли и велосипеди со помошен мотор.
„За време на контролата биле преземени мерки против 76 учесници во сообраќајот, од кои 20 санкции за возачи на мотоцикл. Од нив четири за возење мотоцикл без возачка дозвола, 10 санкции за возење без заштитна кацига, четири мерки за возење мотоцикл без положен испит“, извести Министерството за внатрешни работи.
Црна хроника
Беровец пренесен в болница, со трактор паднал во река во Пехчево и се повредил

58-годишник се повреди вчера откако со трактор падна во река во близина на Пехчево. Несреќата е пријавена во пехчевската полиција, а повредениот веднаш е пренесен на лекување во Скопје.
„На 11.05.2025 во 15.04 часот во Полициската канцеларија Пехчево било пријавено дека околу 14 часот на шумски пат, кај место викано ’Скокото’ кај Равна река, Пехчевско, И.Д.(58) од Берово, управувајќи трактор ’МТ 533’ со приколка, се превртел и со тракторот паднал во река. Тој бил пренесен во Ургентен центар при Комплекс клиники ’Мајка Тереза’ Скопје за укажување лекарска помош“, соопшти Министерството за внатрешни работи.
Увид на местото на несреќата направила увидна екипа од ОВР Берово.
Црна хроника
Уапсен 46-годишен скопјанец оти ја истепал сопругата и ѝ се заканувал

Ноќеска, неколку минути по полноќ, полицијата во скопски Петровец го уапси 46-годишниот Ј.К.. Полицајците постапувале по пријава дека во домот Ј.К. ја нападнал својата сопруга и ѝ се заканувал со остар предмет.
Против насилникот ќе биде поднесена соодветна пријава по целосно документирање на случајот, извести Министерството за внатрешни работи.