Црна хроника
Швајцарска двојка убиена во египетското одморалиште Хургада

Безживотните тела на двајца швајцарски државјани се пронајдени во популарното египетско одморалиште Хургада, пренесува во петокот агенцијата Associated Press.
Според локалната полиција, мажот и неговата сопруга по потекло од Швајцарија, коишто живееле во Хургада, исчезнале уште пред една седмица. Нивните тела биле пронајдени во една до вилите на одморалиштето на брегот од Црвеното Море.
Истрагата за убиството го сомничи припадникот на обезбедувањето, кој наводно сакал вилата да му биде препишана нему. Официјалните лица од полицијата во Хургада не сакале да дадат повеќе поединости за агенцијата, додека амбасадата на Швајцарија била затворена.
Криминалот во Египет драстично се зголеми откако со ткн Арапска пролет во февруари 2011 година беше соборен децениската власт на поранешниот претседател Хосни Мубарак, откако полициски служи речиси се распаднаа а земјата е преплавена со илегално оружје./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.